est.2022
Intaba
Game Farm | Pongola
Welkom by ons
Intaba, gestig in 2022, is ‘n 1200 hektaar wildplaas geleë in die hart van Zululand tussen Pongola en Magudu. Die wildsplaas het ‘n oorvloed inheemse plant- en dierspesies, sowel as skouspelagtige uitsigte. Dit is die perfekte plek vir u gesin of groep vriende om te ontsnap van die besige wêreld en hier te kom kuier en ontspan in die beeldskone en rustige natuurlewe wat ons bied.
Hoofkamp
Intaba hoofkamp bestaan uit vier luukse, alleenstaande chalets en ‘n moderne en stylvolle oopplan hoofgebou met ‘n volledige kombuis, eet- en kuierarea sowel as braaigeriewe en ‘n swembad. Die kombuis is ten volle toegerus met eetgerei, breekware, potte en panne, gasstoof met elektriese oond, ‘n dubbeldeurys/vrieskas, boksvrieskas en ‘n aparte staanyskas vir drinkgoed. In die kuierarea is ‘n TV met DSTV en WiFi is ook beskikbaar.
Akkommodasie
Min. bespreking 2 aande
4 En-suite chalets
R 400 per volwassene per nag
R 250 per kind tussen 6 - 12 jaar per nag
Kinders onder 6 bly gratis!
2 volwassenes per chalet
Matrasse vir kinders kan voorsien word
3 Chalets het elkeen ‘n badkamer met ‘n stort
1 Chalet het ‘n bad en ‘n stort.
Al die chalets beskik ook oor ‘n lieflike buite stort
U keuse tussen ‘n koninggrootebed of 2 driekwart beddens
Linne, handdoeke en hout is ingesluit by die prys
Basecamp
Min. bespreking 2 aande
Basecamp is Intaba se eksklusiewe kampfasiliteit onder mooi groot bome. Hier is geen elektrisiteit nie, slegs ‘n “donkie” vir warm water en sonkrag (500 watt “inverter”) vir ligte en basiese toestelle. Die splinternuwe ablusiefasiliteite bestaan uit ‘n netjiese opwas, badkamer met toilet, aparte toilet, binne- en buite stort met ‘n pragtige uitsig.
Tarief sluit braaigeriewe en hout, sowel as skoonmaakdienste in.
R 250 per volwassene per nag
R 100 per kind tussen 6 - 12 jaar per nag
Kinders onder 6 bly gratis!
Aktiwiteite
Buiten ontspanning in die swembad, kan u selfbegeleide wildritte onderneem of ‘n lyntjie natmaak. Hier is ‘n groot verskeidenheid wild en voëls vir u om te besigtig en pragtige uitkykpunte waar u skemerkelkies of pieknieks kan geniet. Mense wat hou daarvan om aktief te wees kan hul bergfietse saambring of ‘n staproete aandurf.
Intaba Game Farm
Is jy op sosiale media?
Volg ons en deel julle foto’s met ons
